Служба иже во святых матери нашей преподобномученице Рафаиле, игумении Чигиринского Свято-Троицкого монастыря На Господи воззвах, глас 4-й Прише=дше во храм днесь, духовную песнь воспои=м игумении богому=дрей, матери нашей Рафаиле, преподобному=ченице Черка=сстей, яже, красоту мирскую презревши, мучений от безбожных не убоя=ся, на Господа все упование свое возложивши. Отверзо=шася уста безбожная, зияюща пожре=ти а=гниц Христовых, хулы глаголяща и изгоняща сих от па=житей духовных; оба=че образу жития= ангельскаго не измени=ша, крест Его на ся взе=мшии. Радуется и веселится земля Черкасская днесь, память богому=дрыя матере нашея Рафаилы празднующи, честно величается град Чигирин, в себе крин неувядаемый, тело святыя игумении, имы=й. Слава, глас 6-й. Чином монашеским дев и жен наставнице и лику святых мучениц причастнице, днесь похвальную ти песнь приносяще, рцем со упованием вси: испроси нам у Христа Бога вся благая в житии сем, яже ко спасению благопотребная. И ныне, Богородичен На стиховне стихиры, глас 6-й Молитвы возсыла=ше, мати, на небо от земли, к Царствию Христову благочестно уготовляющи себе, и бы=ша не всу=е сия=; реко=ста же уста твоя в скорби твоей, мати, хвалу Богу, мучения бо претерпевши, Божий дар прия=ла еси=. Стих: Яко Тебе ради умерщвляемы есмы= весь день. Иисусовых а=гниц пита=ше духовно, благодать имущи вести я ко спасению, ни преще=ния от язы=к ху=льных, ниже= са=мыя смерти убоя=ся, и, вольно обручившися избравшему тебе Христу, жизни конец мученически прия=ла еси. Стих: Вмени=хомся яко овцы заколения. Духовныя подвиги явила еси в миру по изгнании от обители, ю=же по Промыслу Божию прия=ла еси во время гонений, не оставила еси сию и ныне молитвами твоими, мати преподобная, из небытия возставляющи ю и питающи от небес. Слава, глас тойже Агниц Христовых собранию явилася еси, Рафаило, причастница и Новомученик земли Черкасстей купножи=тельница, скорби и смерть за Христа приявши; мы же прославляем страдания твоя, мученице святая, и молим ти ся, молися Христу прилежно о всех нас, да спасет тобою души наша, яко милосерд. И ныне, Богородичен Тропарь, глас 1-й Агница Христова и усердная попечительница чад Его агниц бывши, мати богомудрая, венца мученическаго сподобилася еси от десницы Иисусовы, Емуже не престай молящися, да избавит Церковь Православную от всех навет вражиих и спасет души притекающих к тебе, яко милосерд. КАНОН, глас 8-й, егоже краегранесие: Страдания претерпевшая святая нами ублажается. Песнь 1 Ирмос: Воду проше=д яко сушу и египетскаго зла избежав, изра=ильтянин вопия=ше: Изба=вителю и Богу нашему поим. Се=тей изба=вися лукаваго, посреде безбожных живущи; молитвы возсыла=ше о Отечестве земнем, ныне же от земли сама молитвы приемлеши. Стопами воду искушений немо=кренно прошедши, Рафаило, и Изба=вителю представши, венец победи=тельный на главу твою от десни=цы Господней прия=ла еси. Рафаиле, игумении обители Тро=ицкия, приносяще моления, всякаго злаго обстояния чаем избавления. Аще и тело твое, чистая, растерза=ша, яко львы, безумнии мучителие, оба=че душе твоей не возбрани=ша полчища бесо=в лютых на небо восход совершити. Богородичен: Дверь Небесная, Пресвятая Дево, нам еси, яко Тобою нам спасения вход откры=ся Рождеством Твоим. Песнь 3 Ирмос: Небеснаго круга Верхотво=рче Господи и Церкве Зижди=телю, Ты мене= утверди в любви Твоей, желаний краю, верных утверждение, едине Человеколюбие. Агниц, поже=ршихся Влады=це от лет древних, любви ко Христу подражавши, мати, неугасимым светильником веры явилася еси. Небесных селений жительнице, мощи своя нам оставила еси в память страданий за веру во Христа, Егоже возлюбила еси всем сердцем твоим. Житию твоему внемлющим, и мощем покланяющимся твоим, и в помощь молитвенно призывающим тя буди в животе сем помощница, Рафаило, мати преподобная. Евы праматере естество имущи, противу лукаваго востала еси и, того ухищрения победивши, от слуг его умерщвлена бысть. Богородичен: Помощница ма=терем и девам, христианом Заступница и иноком защище=ние, Господа Иисуса Родительница и вопиющим к Тебе крепость Ты еси, Владычице. Седален, глас 4-й Возбуди нас, а=ки дев нерадивых, я=же усну=ша ко сре=тению Жениха, твоими молитвами, преподобная, да,тебе подражающе, светильники своя елеем присно наполняюще, чертога Его не отвержены будем. Слава, и ныне: Богородичен: Лествице Иа=ковля, двере Иезекии=лева, буди нам к небесному восхождению Помощница, Пресвятая Дево, молитва бо Ма=терняя Твоя, многаго дерзновения исполнена, всяких благ, яже ко спасению, нам является подательница. Песнь 4 Ирмос: Услы=шах, Господи, смотрения Твоего та=инство, разуме=х дела Твоя и просла=вих Твое Божество. Радости вечныя сподо=бльшися, оскудевающим нам в вере молитвами твоими ко Господу в земли подвиг твоих умножити сию сотвори. Твоих молитвенник не пре=зри, преподобная, вознеси ко Престолу Вседержителеву моления наша, да и мы от Него небесное спасение душа=м нашим улучи=ти сподобимся, прославляюще Его Божество. Ели=ко к тебе взывати будем, Рафаило, страстоте=рпице, толи=ко нам скорая услы=шательница буди и пред Христом хода=таица о прославляющих Его Божество. Богородичен: Радость Ангелом прии=мшая, радости вечныя сподоби и нас, Матерь Божию Тя именующих и почитающих образ Твой и Сына Твоего. Песнь 5 Ирмос: Просвети нас повелении Твоими, Господи, и мышцею Твоею высокою Твой мир пода=ждь нам, Человеколюбче. Поболевши на земли и много пострадавши, душу свою исцелила еси совершенне, и спасение бысть плод страданий твоих, е=же от Человеколюбца Господа прия=ла еси, преподобномученице. Яко возлюбившая Христа, стаду а=гниц бя=ше добрая начальница, ко спасению сих управляющи, темже и на пажити Его ныне веселишися. Вседержи=телевою мышцею укрепляема, преще=ния безбожных в прах вменяющи, смерть теми прия=ла еси, е=юже восход в небесная обре=теся тебе. Шатания безбожных, на долгая лета на мир нашедшая, десницею Господнею сокруши=шася, молитвами же твоими ко Господу от сих и мы при=сно избавитися чаем. Богородичен: К Сыну на небо с телесе=м взятая, Пречистая, ушеса= Своя на скорое слышание молящихся Тебе соделала еси, ру=це же на помощь исправляющим житие свое. Песнь 6 Ирмос: Молитву пролию= ко Господу и Тому возвещу печали моя, яко зол душа моя испо=лнися и живот мой аду прибли=жися, и молюся, яко Иона: от тли, Боже, возведи мя. Якоже образ древних мучениц возставившая, и наши души укрепи в терпении и исповедании веры православныя: явилася бо еси, Рафаило, водительница инокинь честны=х ко спасению. Слы=шаше Господь молитвы твоя, игумение премудрая, от среды ски=мнов и львов, рыкающих на Церковь Его, темже и тело твое растерзати сим попусти=, да будеши Ему жертва приятная. Во дни древния зверем телеса= предавшии сподо=бишася славы неувядаемыя, тех стопами и мати наша Рафаила после=доваше, ныне же от нас пе=сньми ублажается. Яко львы, поглотити а=гницу Христову восхоте=ша мучи=телие, оба=че память тоя= погубити не возмого=ша, Дух бо Святы=й память ея= в день сей быти в Церкви учреди=. Богородичен: Твоего заступления не отыми= от нас, Богородице, в печалех житейских пребывающих и ко аду приближающихся в прегрешениих своих, мольбами к Сыну Твоему скоро к покаянию возстави. Кондак, икос — общий Песнь 7 Ирмос: От Иудеи дошедше о=троцы, в Вавилоне иногда верою Тро=ическою пламень пе=щный попра=ша, пою=ще: отцев Боже, благословен еcи. Аще изгна=ша Тя безбожнии от обители Троицы, во граде Чигирине бывшия, не возмого=ша воспрети=ти душе твоей в небесную обитель вни=ти, вопиющей: отцев Боже, благословен еси. Исцелению Божию, Рафаило, тезоимени=тая, пода=ждь и нам исцеление, в помощь тя призывающим и поющим: отцев Боже, благословен еси. На небеса восшедши верою твердою, молитвою ко Святей Троице ты, мати, нам помози=, поющим: отцев Боже, благословен еси. Ангельскаго чина светлое украшение и христианом похвала еси, игумение Рафаило, молися о нас, поющих: отцев Боже, благословен еси. Богородичен: Марие, Дево, пламень страстей наших угаси= благодатию Твоею, предста=тельствующи прилежно о вопиющих: отцев Боже, благословен еси. Песнь 8 Ирмос: Царя Небеснаго, Егоже поют во=и а=нгельстии, хвалите и превозносите во вся веки. Ангельским лико=м подражающих предстательством ко Господу укрепи, поющих Ему хвалу. Уче=ньми апостолов и святых отец душу насыща=вшая на земли, сих вере подражающи, и о нас, православнаго учения держащихся, пред вся Сотво=ршим буди хода=таица. Болезней исполнено бысть житие твое и скорбей о Отечестве твоем земнем, от Бога отлучившемся; радости же вечныя сподо=бльшися, о обращении мно=зех ко Христу ныне радуешися, мати преподобная. Людем, тебе летнюю память творящим, буди в житии сем помощница и душа=м от жизни отлучающихся к Царю Небесному путеводи=тельница. Аще и устне= грешнии иму=ще, пети святым похвальная навыко=хом, сего ради и страстоте=рпице Рафаиле моление днесь честно совершаем. Богородичен: Живота вечнаго Роди=тельнице, жизнь вечную улучи=ти и нас сподоби, на Тя упование иму=щим. Песнь 9 Ирмос: Воистинну Богородицу Тя исповедуем, спасеннии Тобою, Дево Чистая, с безплотными ли=ки Тя велича=юще. Адовыми враты= неодолимая Церковь Христова нашими усты= ныне песнь благохвале=ния тебе, Рафаило, приносит. Емуже молитвы, моления, пощения и коленопреклоне=ния принося=ше, умоли о память твою чтущих и совершающих, яко да милость Свою вы=ну проба=вит рабом Своим. Тяжесть дневную, безбожных началовла=стие и ва=рвар гонение на Церковь понесшая, достойно мзду во граде небеснем со всеми святыми улучила еси. Славим преподобному=ченицу Рафаилу, вернии, и хвалу Господеви о ней воспоим, яко земли нашей и Церкви новое украшение дарова=. Богородичен: Ангелы благоговейно восхваляемая и земными присночти=мая, буди, Марие, Мати Господа, нам Путеводительница в Царство Сына Твоего, якоже и тьма=м святых Его. Светилен: Подобен: апостолы от конец. Приими= пение наше и помолися ко Христу, святая, да избавит сердца наша от прилога бесовскаго и страстей, вшедших в ня. Слава, и ныне, Богородичен: Препросла=вленная от ма=терей и воспеваемая от дев, никогоже остави, яко едино Мати и Дева Ты еси. На хвалитех стихиры, глас 4-й Воспоим днесь терпение, прославим восход ко Премудрости Божией мудрыя игумении обители Чигиринстей, нам бо, память ея= ныне творящим, восхождению к горним будет помощница благодатию, яже от Бога стяжала есть. Образу Христову и святым Его покланя=шеся че=стне, Рафаило, в житии земнем, ныне же твоему образу поклоняющихся приими= молитвы и скорое предстательство сотвори ко вся во благое Совершающему. Благо есть нам, обретшим новую пред Праведным Судиею предстательницу, темже, Рафаиле славней днесь праздник соста=вльше, последовати той потщимся. Слава, глас 6-й Пребыла еси в вере непреклонна, сию житием своим посреде= безбожных исповедала еси и яростию тех растерзана бысть; ныне же являешися миру, преподобномученице Рафаило, ко Христу присная молитвенница. И ныне, Богородичен: Богородице, Ты еси лоза истинная, возрастившая нам плод Живота, Тебе молимся, молися, Владычице, со святыми апостолы, помиловатися душа=м нашим.